Agar aap student hokar bhi aaj yeh kuch Students Money Mistakes kar rahe ho, toh sach yeh hai ki aap apna future khud barbaad kar rahe ho — aur shayad aapko iska andaaza bhi nahi hai.
Kyunki problem yeh hai ki 90% students paise ko seriously nahi lete. Pocket money ho ya part-time income, sab kuch bina soche samjhe spend kar dena aur phir baad me regret karna, Na savings ki habit, na budgeting ka plan, aur na hi future ke liye koi strategy. Result? Degree complete hone ke baad bhi log financially struggle karte rehte hain.
Agar aap bhi un students mein se ho jo sochte hain “abhi enjoy kar lete hain, baad mein dekh lenge” — toh yeh mindset aapke future ko sabse zyada damage kar sakta hai. Kyunki jo galtiyan aap aaj kar rahe ho, unka impact aapko future mein bahut mehenga pad sakta hai.
Is article mein hum baat karenge Top 10 students money mistakes ki jo har students apni life me karta hai.
1. Budgeting
Mostly students paiso ko bina soche samjhe kharch karte hai use kabhi track nahi karte Unhe lagta hai ki unhe idea hai unka paisa kahan ja raha hai. Lekin reality me unka paisa “small decisions” me dheere-dheere nikalta rehta aur unhe pata bhi nahi chalta.
Jaise Ek coffee, ek subscription, ya koi random order — individually ye cheeze chhoti lagti hain, lekin yahi chhoti chhoti cheeje aapki financial control ko destroy kar deti hain.
Aaj aapko Budget banana boring lag sakta hai lekin iska imapct bahut bada hota hai kyunki jab tak aapko pata hi nahi hoga ki aapka paisa kahan jaa raha hai to aap use control kaise karoge.
Finance experts bhi yahi kehte hain agar aapko Financially stable hona hai to aapko sabse pehle apne budget par focus karna chahiye kyunki students money mistakes me 1st mistakes budgeting ki hi hoti hai.
Aap basic budgeting concept yahan se samajh sakte ho: Budgeting
2. Savings Ko Delay Karna
90% Students hamesha yahi sochte hai “Abhi nahi, baad me dekhenge”, Abhi enjoy karne ka time hai lekin reality yeh hai ki agar aap abhi se savings ki habit nahi banaoge to baad me bhi paise ko save karna mushkil hota hai.
Kyunki savings koi ammount nahi hai ye ek habit hai jo har students ko build karni chahiye aur yahi habit logo ka future decide karti hai.
Saving karne me sabse bada asset Time hota hai kyunki time ke saath hi hame Compounding ka Benefit Milta hai. “What Is compounding”
3. Emergency Fund Na Banana
Zyadatar students sochte hai ki “koi problem aayi to parents ya friends se le lenge.” Lekin ye soch aapko kabhi financially independent nahi banne degi.
Kyunki chhoti Chhoti emergencies kabhi bhi aa sakti hai- health issue, travel, urgent expense. Aur jab paas me paisa nahi hota, tab stress aur badh jata hai.
Aur ye students money mistakes ki sabse badi mistakes me se ek hai, Iska sabse achcha solution hai emergency fund create karna:
- Har month thoda sa paisa alag rakhna start karo (₹500–₹1000 bhi chalega)
- Ise ek alag account me rakho
- Is paise ko sirf emergency me hi use karo
4. Impulse Buying Aur Sale FOMO
Amazon, Flipkart ya mall me “SALE” dekhte hi mann karta hai kuch na kuch kharidne ka. Chahe zaroorat ho ya na ho. us time pe lagta hai abhi nahi liya to kahin sale nikal na jaaye.
Aur phir baad me realise hota hai ki wo cheej itni important bhi nahi thi aur kabhi-kabhi to log sirf dusro ko dikhane ke chakkar me buying karna start kar dete hain.
jiska result: Paisa waste + regret.
- 24 Hour Rule follow karo — kuch lena ho to ek din wait karo
- Agar next day bhi zaroorat lage tabhi buy karo
- Sirf discount ke chakkar me kabhi mat kharido
5. Skills Me Invest Na Karna
Aaj kal zyadatar students apna paisa movies, food, outings in sab cheejo me zyada kharch karte hain agar isi me se thoda paisa save karke apni skills me invest karein to unka future better ho sakta hai.
Kyunki aaj ke time pe paisa sirf skills se aata hai, na ki sirf degree se. aaj kal to zyada se zyada knowledge aapko free me mil jayega. Youtube, google, Chatgpt aur in sabka use karke aap koi bhi skills free me seekh sakte hain. jisse koi bhi Students Money Mistakes nahi karega.
Maine Khud Bahut si skills sirf youtube se hi seekhi hain bina ek paisa kharch kiye aur abhi bhi seekhta rehta hoon, achchi achchi books bhi read karta hoon.
6. Peer Pressure Me Kharch Karna
Kisi ne iPhone liya, mujhe bhi lena hai Dost trip pe ja rahe hain, mujhe bhi jana hai hamesha dusro ko dekhkar kaam karna aur aise decisions aap apni zaroorat ke hisab se nahi, dusron ko dekh kar lete ho.
Aur yahi decisions aapko financial problem me bhi daal dete hain.
- Hamesha Apni needs aur budget ke hisab se kharch karo
- Dusron se compare karna band karo
- Show-off ke chakkar me mat pado
Peer Pressure Me Kharch Karna Students Money Mistakes ki sabse dangerous mistake hai kyunki yahan log khud se decision nahi le rahe hote.
7. Financial Education Ignore Karna
School ya college hame kabhi nahi sikhata ki paisa manage kaise karna hai, paise ko grow kaise karna hai ya saving kaise karni hai etc. Isi wajah se zyadatar students ko basic cheeje bhi nahi pata hoti- jaise interest, SIP, tax, etc.
Agar kisi students ko apni financial condition better karni hai to usko Financial Education zaroor leni chahiye jaise:
- Har week thoda time financial knowledge ke liye do
- Basic cheeze seekho: saving, investing, mutual funds
- Books read karo
8. Side Income Ignore Karna
Bahut se students sochte hain ki padhai ke saath saath income possible nahi hai. Isliye wo kabhi try hi nahi karte. lekin aisa nahi hai app kuch bhi kar sakte hain apne intrest ke hisab se jo aapko aata ho.
9. Credit Card Aur EMI Ka Misuse Karna
Aaj kal students ke liye credit card lena ya EMI par cheezein kharidna bahut easy ho gaya hai. Aur zyadatar log yahi karte hain Credit card ko log Extra ya Free paisa samjah lete hain kyunki starting me ye chhoti chhoti payments lagti hain — ₹500, ₹1000, ₹2000… lekin dheere dheere ye amount bada hota jaata hai.
Aur sabse risky habit hoti hai “minimum payment” karna isse lagta hai ki aapne bill pay kar diya, lekin baaki amount par heavy interest lagta rehta hai, jo aapko debt me bhi fasa deta hai.
EMI bhi students money mistakes me se ek hai kyunki jab aap zaroorat ki jagah show-off ya impulse buying ke liye EMI ka use karte ho to har month fixed amount dena padta hai — chahe income ho ya na ho.
10. Long-Term Goals Na Banana
Zyada tar students short-term pe focus karte hain abhi time hai enjoy kar lo— parties, trips, shopping. Lekin future ke liye unke pass koi clear goals nahi hote aur bina goals ke ek sahi direction nahi milti.
Jo mann kiya wo le liya, jahan jaana tha chale gaye Starting me ye normal lagta hai, lekin dheere dheere realise hota hai ki na savings ho rahi hai, na koi progress.
Kyunki jab aapka ek clear goal set hota hai to aapka aane wala future aur bhi better ho sakta hai.
Conclusion
Wealth ek din me nahi banti aur na hi koi ek bada decision aapki life change kar sakta hai. yeh aapke chhote chhote decisions aur habits ek din zaroor banti hai.
Aaj jo galtiyan aap ignore kar rahe ho, wahi kal aapka financial future decide karengi. Isliye agar aap abhi se in students money mistakes ko samajh kar sudhar lete ho, to aap apne future ko completely change kar sakte ho.
FAQS
Students ke liye sabse badi money mistake kya hoti hai?
Sabse badi students money mistakes hoti hai paisa track na karna aur bina planning ke kharch karna. Jab aapko pata hi nahi hota paisa kahan ja raha hai, to savings aur control dono impossible ho jata hai.
Students ko kitna paisa save karna chahiye?
Agar aap student ho, to aap apni pocket money ya income ka kam se kam 5–10% save karna start kar sakte ho. Amount chhota ho sakta hai, lekin habit build hona sabse important hai.
Kya side income students ke liye possible hai?
Haan, aaj ke time me bahut options hain — freelancing, content writing, tutoring, designing, etc. Side income se aap early financial independence start kar sakte ho.
Students money mistakes avoid karne ka best tarika kya hai?
Students money mistakes ka Sabse best tarika hai awareness + discipline. Jab aapko pata hota hai ki kaunsi galtiyan ho rahi hain, tab aap unhe easily avoid kar sakte ho.
One Comment